Mwanza yakabidhiwa vitakasa mikono

Posted on: March 25th, 2020

Katibu Tawala wa Mkoa wa Mwanza, Emmanuel Tutuba amepokea msaada wa vitakasa mikono (sanitizer) katoni 12 vyenye thamani ya Shilingi milioni 3 kutoka Kampuni ya Madawa ya Planet Pharmacy Ltd ya jijini Mwanza kwa ajili ya matumizi ya ofisi za mkoa.

Meneja Mkuu wa duka hilo, Satya Nareyana amesema wameamua kutoa dawa hizo kama sehemu ya kusaidia kupambana na ugonjwa wa corona nchini.

Akipokea msaada huo, Tutuma ameishukuru Planet Pharmacy kwa kutoa dawa hizo na pia kwa uungawana wao kuziuza kwa bei nafuu ukilinganisha na baadhi ya maeneo ambao wamekuwa wakiziuza dawa hizo kwa bei ya juu.

Dawa hizo ambazo ni chupa 672 zitapelekwa kwa Mganga Mkuu wa Mkoa wa Mwanza na Waganga wakuu wa wilaya za Misungwi, Magu, Ilemela, Nyamagana, Sengerema, Ukerewe na Halmashauri ya Buchosa.