RC Mongella ahamasisha uchangiaji wa Zahanati

Posted on: August 12th, 2018

Mkuu wa Mkoa wa Mwanza Mhe. John Mongella amechangisha fedha kwa kamati ya ulinzi na Usalama Wilaya na Mkoa, waandishi wa Habari  pamoja na wananchi kwa ajiri ya kufanikisha ujenzi wa zahanati ya kijiji cha Sangu wilaya ya  Kwimba.

 Mhe.Mongella alifanikisha kuhamasisha  kukusanya jumla ya Shilingi 515,000 tasilimu pamoja na mifuko 87 ya saruji ambapo ahadi zilizotolewa zinafatiliwa.

Licha ya kuchangia fedha  wanakijiji walijitolea katika kuleta tripu za michanga, kuchota maji,kubeba kokoto pamoja na saruji.

"Nahitaji ushirikiano wenu pamoja na kujituma mkifanya hivyo mtasaidia kufanya vitu kwa vitendo na sio kwa ahadi," alisema Mongella.

Aidha Mwenyekiti wa kijiji pamoja na viongozi wote wasimamizi wa mradi huo wa ujenzi wa zahanati  walisema watapita kuhimiza kwa kila nyumba kila mtu atoa ushirikiano mkubwa mpaka ujenzi ukamilike.

Pia wananchi wa Kwimba wamesema kuwa wamejipanga katika ulinzi kwa kufanya mikutano mbalimbali na wanakijiji pamoja na wafanya biashara ili waendelee kuwa salama.