NAIBU WAZIRI MKUU ATOA POLE KWA FAMILIA YA KATIBU WA MKUU WA MKOA MWANZA

Posted on: November 14th, 2024

NAIBU WAZIRI MKUU ATOA POLE KWA FAMILIA YA KATIBU WA MKUU WA MKOA MWANZA

Naibu Waziri Mkuu na Waziri wa Nishati Mhe. Dkt. Doto Biteko leo alhamisi  Novemba 14, 2024 amefika nyumbani kwa Katibu wa Mkuu wa Mkoa wa Mwanza Ndugu Matia Levi na kuwafariji kufuatia kufiwa na mtoto wao (Faith Matia) jana Novemba 13, 2024.

Akiongea na waombolezaji nyumbani kwa wafiwa anayeishi Mtaa wa Isamilo Dkt. Biteko amewasihi familia kumtumainia Mwenyezi Mungu na kuendelea kumuombea mtoto huyo ili apate pumzika la milele na lenye furaha.

Naye, Mkuu wa Mkoa wa Mwanza Mhe. Said Mtanda amewashukuru majirani na watumishi kwa upendo waliouonesha kwa haraka mara tu mtumishi huyo alipopatwa na tatizo hilo huku akibainisha kuwa jambo hilo linafanya wafiwa wapate faraja.

Aidha, Mtanda ametumia wasaa huo kutoa ratiba ya maziko ya mpendwa Faith kuwa yatafanyika siku ya Jumamosi Novemba 16, 2024 huko Kisesa baada ya ibada ya mazishi itakayofanyika kwenye kanisa la Kilutheri la Kiinjili Tanzania (KKKT) usharika wa Imani Makongoro.