RAS MWANZA AFUNGUA MAFUNZO YA MFUMO WA KISASA WA UNUNUZI WA UMMA

Posted on: August 28th, 2023

RAS MWANZA AFUNGUA MAFUNZO YA MFUMO WA KISASA WA UNUNUZI WA UMMA

Kaimu Katibu Tawala Mkoa wa Mwanza Ndugu Daniel Machunda amewataka washiriki wa mafunzo ya Mfumo wa Ununuzi kusikiliza kwa makini ili kutumia taaluma watakayoipata kwenda kuboresha utendaji kazi hususani manunuzi ya umma.

Ametoa rai hiyo mapema leo kwenye ukumbi wa Ofisi ya Mkuu wa Mkoa wakati akifungua mafunzo ya mfumo Mpya wa manunuzi kwa umma kwa njia ya mtandao yaliyotolewa kwa wataalamu kutoka wilaya na halmashauri za mkoa huo.

Machunda amesema serikali imefanya maboresho kwenye mfumo wa ununuzi kwa kuzingatia kanuni na taratibu hivyo ni wajibu wa kila mtaalam kuzingatia ili kwenda sambamba na uwekezaji uliowekwa kwenye maboresho hayo.

"Naomba kila mshiriki aweke bidii kwenye kujifunza na kuhakikisha anaondoka na utaalamu kwani lengo la mafunzo ni kuwajengea uwezo ili kuwe na ufanisi kwenye sekta ya ununuzi wa umma." Amesisitiza Machunda.