RC MTANDA AAHIDI USHIRIKIANO KWA VIONGOZI WA DINI

Posted on: July 8th, 2024

RC MTANDA AAHIDI USHIRIKIANO KWA VIONGOZI WA DINI

Mkuu wa Mkoa wa Mwanza Mhe. Said Mtanda ameahidi ushirikiano kwa viongozi wa dini nchini ikiwa ni katika kuwahudumia wananchi katika misingi inayofaa.

Mhe. Mtanda amebainisha hayo mapema leo  Julai 8, 2024 Ofisini kwake wakati alipowakaribisha viongozi mbalimbali wa dini ya Kiislam wakiongozwa na Shekhe Dkt. Sule Seif

"Karibuni sana Mwanza ndugu zangu viongozi wa dini, ninawaahidi ushirikiano wa kutosha mimi binafsi lakini na Serikali yangu kwa sababu Serikali inathamini mchango wa dini na hakuna jamii ambayo haina viongozi aidha wa dini, kabila na kadharika". Amesema Mtanda

Aidha, ameweka bayana mchango wa viongozi wa dini katika kuleta amani katika nchi, huku akiwaomba wawe mstari wa mbele katika kudumisha amani, umoja na mshikamano katika jamii hasa katika kipindi hiki kinachoelekea uchaguzi.

Naye, Alhadji Shekhe Dkt. Sule amemshukuru Mkuu wa Mkoa kwa wema na ukarimu wake kwa kuwapokea vizuri huku akiahidi ushirikiano wa kutosha katika Mkoa wa Mwanza.

Alhadji, Shekhe Dkt. Sule amewasili Mkoani Mwanza kwa ziara ya kikazi iliyolenga kutoa huduma kwa jamii.