RC MTANDA AKABIDHI HATI ZA UMILIKI ARDHI ZILIZOKWAMA KWA TAKRIBANI MIAKA 10

Posted on: July 12th, 2024

RC MTANDA AKABIDHI HATI ZA UMILIKI ARDHI ZILIZOKWAMA KWA TAKRIBANI MIAKA 10

Mkuu wa Mkoa wa Mwanza Mhe. Said Mtanda leo julai 12, 2024 amekabidhi hati za umiliki wa ardhi kwa wakazi watatu wa Manispaa ya Ilemela Wilayani Ilemela, waliodai kuhangaikia huduma hiyo kwa muda mrefu, baadhi yao takribani miaka kumi.

Mkuu huyo wa Mkoa aliagiza hati hizo kuandaliwa ndani ya saa 24, baada ya kufanya ziara ya kushtukiza katika Idara ya Ardi ya  Manispaa ya Ilemela Julai 11, 2024, alipokukuta wananchi wengi wakiwa katika foleni ndefu kusubiri huduma na kuamua kuwasikiliza.

Idadi kubwa ya wananchi ilieleza kero ya kuzungushwa na watoa huduma kwa muda mrefu, akamuagiza Kamishna wa Ardhi Msaidizi Mkoa kuandaa hati hizo kwa waliokidhi vigezo haraka iwezekanavyo, ambapo mapema leo amerudi tena wilayani huko kuwakabidhi nyaraka hizo.

Akizungumza mara baada ya kukabidhiwa hati ya umiliki wa ardhi Bi. Immaculata Tenga ambaye pia ni mjane aliyetumia zaidi ya mika tisa kuisaka hati hiyo bila mafanikio, amemshukuru Mkuu huyo wa Mkoa na kusema haikuwa rahisi kwani amekuwa akizungushwa mara kadhaa katika ofisi hizo za ardhi na anaona ni kama ndoto kukabidhiwa hati hiyo siku ya leo.

"Ninakushukuru sana Mkuu wa Mkoa, wewe ni baba katika Mkoa huu, umenisaidia sana nimefanikiwa kuipata hati yangu ambayo nimeisotea kuipata kwa muda mirefu". Bi. Tenga.

Kwa upamde wake Bi. Anna Mbwambo ambaye pia ni majane amesema amesumbuliwa kwa muda murefu na amekuwa akitumia gharama kubwa kwa safari kutoka Dar es Salaam kuja Mkoani Mwanza kufuatilia hati hizo.

"Kwa sasa ninaishi Dar es Salaam nimekuwa na safari za kila wakati kufuatilia hati hii, naona ni kama muujiza nimeipata ndani ya saa 24, Ninakushuru sana Mkuu wa Mkoa". Amesema Bi. Mbwambo.

Akizungumza mara baada ya kuwakabidhi hati hizo Mkuu wa Mkoa amesema wema ni akiba na kuwataka watumishi kuwatendea vyema wananchi kwani thawabu zitapatikana hapa duniani na hata kesho akhera, hakuna haja ya kuwacheleweshea wananchi haki zao.