RC MTANDA AMTAKIA KHERI YA KUZALIWA MZEE PIUS MSEKWA KWA KUTIMIZA MIAKA 90

Posted on: June 9th, 2024

RC MTANDA AMTAKIA KHERI YA KUZALIWA MZEE PIUS MSEKWA KWA KUTIMIZA MIAKA 90.

Mkuu wa Mkoa wa Mwanza Mhe. Said Mtanda amemtakia kheri ya kuzaliwa Spika mstaafu wa Bunge la Jamhuri ya Muungano wa Tanzania Mzee Pius Msekwa alipokuwa anatimiza miaka 90.

Amesema hayo leo June  09, 2024 katika Parokia ya Nansio wilayani Ukerewe aliposhiriki misa Takatifu na Spika mstaafu huyo ambayo ilitumika pia kumuombea afya njema ili Taifa liendelee kupata busara zake.

Aidha, Mkuu wa mkoa amewataka wananchi wa Nansio wilayani Ukerewe kuendelea kudumisha amani na kufanya kazi kwa bidii Ili kuleta maendeleo katika Taifa.

"Niwaombe wananchi wa Nansio kuendelea kufanya kazi kwa bidii Ili kujiletea  maendeleo wenyewe bila kusubiri kuletewa na pia kujenga Taifa imara." Amesema Mhe. Mtanda

Nae, Spika mstaafu Mzee Pius Msekwa ametoa siri ya kuweza kufikisha miaka hiyo kuwa ni kuwaheshimu baba na mama na amewataka vijana kuendelea kuwa na maadili mema kwa wazazi wao na kuwatii Ili kuzidi kupata maisha mazuri na kheri.

"Siri kuu ya kufika hapa ni kujitunza vyema na kufuata amri ya nne ya Mungu ya kanisa Katoliki ambayo ni kuwaheshimu baba na mama ili upate miaka mingi na kheri Duniani". Amesema mzee Msekwa.