RC MTANDA ASHIRIKI MKUTANO WA PASTOR EZEKIEL CCM KIRUMBA

Posted on: July 26th, 2024

RC MTANDA ASHIRIKI MKUTANO WA PASTOR EZEKIEL CCM KIRUMBA

Mkuu wa Mkoa wa Mwanza Mhe. Said Mtanda leo Julai 26, 2024 amehudhuria ibada katika mkutano wa injili uliofanyika kwenye  viwanja vya CCM Kirumba Wilayani Ilemela, mkutano ulioandaliwa na Mhubiri mashuhuri kutoka bchini Kenya Mchungaji Ezekiel Odero (Pastor Ezekiel) wa kanisa la New Life Church.

Akizungumza na wananchi waliojitikeza kushirikia mkutano huo wa injili Mhe. Mtanda amewataka wananchi wa Mwanza kuendelea kuyatumia madhabahu hayo pia kwa ajili ya kuliombea Taifa na kuiombea Serikali ya Jamhuri ya Muungano wa Tanzania inayoongozwa na Mhe. Rais Dkt. Samia Suluhu Hassan na uongozi wake wote kwakuwa ibada na sala ndio itaivusha nchi salama.

Naye Muhubiri Ezekiel amempongeza Mkuu huyo wa Mkoa kwa ukarimu wake na namna alivyowapokea Mkoani humo aidha ameeleza pia Mwanza imekua ni sehemu salama kwao na kuahidi kutenga siku ya jumapili (Julai 28) kuwa ni siku maalumu ya kuliombea Taifa, Kiongozi wake Mkuu pamoja na Viongozi wote wanaounda Serikali ya Jamhuri ya Muungano wa Tanzania.

Leo ni siku ya tatu ya Mkutano huo mkubwa wa injili ambapo unatarajiwa kufungwa rasmi Julai 28  2024.