RC MTANDA AUPOKEA UGENI WA NAIBU WAZIRI KATAMBI

Posted on: September 23rd, 2024

RC MTANDA AUPOKEA UGENI WA NAIBU WAZIRI KATAMBI

Mkuu wa Mkoa wa Mwanza Mhe. Said Mtanda mapema leo Septemba 23, 2024 amempokea ofisini kwake Naibu Waziri, Ofisi ya Waziri Mkuu Kazi, Vijana, Ajira na Wenye Ulemavu Mhe. Patrobass Katambi (MB), aliyewasili Mkoani Mwanza kujionea maendeleo ya maandalizi kuelekea kilele cha mbio za mwenge wa uhuru Kitaifa zitakazofanyikika Mkoani Mwanza.

Mhe. Katambi amewasili Mkoani humo akiwa ameambatana na

Katibu Mkuu, Ofisi ya Waziri Mkuu, Kazi, Vijana, Ajira na Wenye Ulemavu Bi. Mary Ngelela Maganga, Katibu Mkuu Wizara ya Habari, Vijana, Utamaduni na Michezo Zanzibar Bi. Fatma Hamad  pamoja na Wataalamu kadhaa kutoka wizarani.

Akizungumza mara baada ya kuwapokea Mkuu wa Mkoa ameainisha kuwa mipango yote ya maandalizi kuelekea kilele iko vizuri na akawaainishia ratiba ya kimkakati itakayotumika kuratibu shughuli hiyo.

Naye Naibu Waziri, Ofisi ya Waziri Mkuu Kazi, Vijana, Ajira na Wenye Ulemavu Mhe. Patrobass Katambi (MB), amemshukuru Mkuu wa Mkoa kwa kumuonesha kwamba wamejipanga vyema na wako tayari k wa shughuli hiyo ya Kitaifa.

Kwa upande wake Katibu Mkuu, Ofisi ya Waziri Mkuu, Kazi, Vijana, Ajira na Wenye Ulemavu Bi. Mary Maganga amesema wana imani sherehe za mwaka huu zitafana na zitakuwa za aina yake.