TUENDELEE KUWAOMBEA VIONGOZI WETU NA KUFANYA KAZI KWA BIDII: RC MTANDA

Posted on: April 7th, 2024

TUENDELEE KUWAOMBEA VIONGOZI WETU NA KUFANYA KAZI KWA BIDII: RC MTANDA

Mkuu wa Mkoa wa Mwanza Mhe. Said Mtanda amewakumbusha viongozi wa dini na waumini wao kuendelea kuwaombea viongozi wetu akiwemo Rais Samia na wasaidizi wake ili watimize ndoto zao za kulijenga Taifa lenye uchumi imara.

Mhe. Mtanda ametoa rai hiyo leo Aprili 7, 2024 wakati wa hafla ya kusimikwa viongozi wa seksheni ya Nyamagana kaskazini iliyofanyika kwenye kanisa la TAG Igoma na kusema kasi ya kuwaletea maendeleo inayofanywa na viongozi wetu haina budi kumtanguliza Mungu kwa kuwaombea ili wazidi kuwa na hekima katika kutimiza malengo yao.

"Baba Askofu Isack Gwalalika nimesikia baadhi ya nyimbo zenu zikiwa zimebeba  ujumbe mzuri kwetu za kutojikweza unapokuwa na mamlaka au nafasi ya juu na badala yake kujishusha ili kuzidi kupata thawabu kwa Mungu," Mkuu wa mkoa.

Mhe. Mtanda anayepita kujitambulisha pia amewahakikisha waumini hao Serikali inatambua mchango wa Taasisi za kidini katika kumletea maendeleo mwananchi na kuwaahidi kutoa ushirikiano wa kutosha na wao wafanye kazi kwa bidii ili kuwatia moyo viongozi wetu.

Kwa upande wake Askofu wa Jimbo la Mwanza kusini Isack Gwalalika amebainisha wao wataendelea kuiunga mkono kwa vitendo Serikali inayokuwa madarakani ili kulijenga Taifa la wachapakazi.

Baadaye jioni Mhe.Mtanda ameshiriki Iftar iliyoandaliwa na Mkuu wa wilaya ya Nyamagana Mh.Amina Makilagi kwenye Hotel ya Gold Crest na kupata wasaa wa kuzungumza akihimiza kuendelea kutenda mema hata baada ya mfungo wa mwezi mtukufu wa Ramadhani na kuwaahidi kusikiliza na kuzipatia ufumbuzi kero mbalimbali za wananchi.

Akiwa kwenye msikiti wa dhehebu la Hindhu eneo la Makoroboi uliotimiza miaka 47,Mkuu huyo wa mkoa ameendelea kuhimiza mshikamano ili kuwapa maendeleo yenye tija wananchi.