Kamati ya Mipango Miji ya Jiji la Mwanza yavunjwa

Posted on: March 10th, 2023

WAZIRI wa Ardhi,Nyumba na Maendeleo ya Makazi Mhe.Dkt. Angeline Mabula amevunja kamati ya mipango mji ya jiji la Mwanza iliyokuwa mwenyekiti wa kamati ya Ardhi na mipango miji wa jiji la Mwanza Hamidu Said na mkurugenzi wa jiji la Mwanza Yahya Sekieti(katibu wa kamati).

Waziri Mabula ametoa maamuzi hayo magumu Jijini Mwanza wakati wa kikao kazi cha viongozi wanaosimamia sekta ya ardhi kwa ngazi zote kuanzia wilaya , mitaa, kata na mkoa.

"' Kamati zote za mipango miji na zile za uchumi, Serikali ni moja tumefanya mawasiliano na  tunaenda kuchukua maamuzi magumu kwa ushauri pamoja na Waziri wa Tamisemi kamati ya mipango miji ya Jiji la Mwanza inaenda kuvunjwa na hakuna mjumbe hata mmoja atayetakiwa kurudi tena kwenye kamati Ile .'' Amesisitiza Waziri Mabula

Amesema katika mkoa wa Mwanza kumekuwa na tatizo kubwa la kudhulumu ardhi kwa wazee na wajane, na kuongeza kuwa kumekuwa na tatizo la utoaji vibali vya ukarabati wa majengo umekuwa unakiukwa sana.

Amezitaka Halmshauri zote nchini  kutenga maeneo ya uwekezaji na kuyalinda  kwa ajili ya kupokea wawekezaji.

 ''Suala la utatuzi wa mgogoro wa ardhi sio suala la Wizara eti kusema kuna mawaziri nane, nitashangaa eneo Lina mamlaka alaf mtu anasubiria Waziri, Mkuu wa mkoa au Mkuu wa wilaya, shughulikieni migogoro ya ardhi katika maeneo yenu".Amesema Mhe.Mabula

Mkuu wa mkoa wa Mwanza Adam Malima amesema Kamati za ardhi zinashida sana na amemuomba Waziri Mabula kushugulika na wilaya ya Nyamagana kisha wilaya ya Ilemela.