Mkuu wa Mkoa wa Mwanza Mhe. Mhandisi Robert Gabriel ametoa wito kwa Kampuni ya Mawasiliano ya Vodacom kuendelea kubuni na kutoa huduma bora na zinazohimilika na wananchi ili kusaidia wananchi walio wengi hasa wenye kipato cha chini.
Wito huo umetolewa leo Julai 22, 2022 kwenye Stendi ya Igombe iliyopo Mjini humo wakati wa hafla ya Utambulisho wa Duka linalotembea ambalo litawahudumia wananchi kwa kuwafuata katika shughuli zao.
Aidha, Mhandisi Gabriel ameipongeza kampuni hiyo yenye zaidi ya wateja Milioni 16 nchini kwa kuwa mdau muhimu kwa kutoa huduma bora za mawasiliano zinazowafikia wananchi walio wengi.
"Nitoe wito kwa mwananchi kufika kwenye duka hili ili kupata huduma za Mawasiliano zikiwemo za kifedha kwani sasa ni wakati wenu kuhudumiwa palepale ulipo ukiliona gari hili tambua ni duka kamili lisimamishe alafu zungumza shida yako na utasaidiwa." amesema.
Mkurugenzi wa Biashara Vodacom, Bi. Linda Riwa amesema katika kuboresha huduma Kampuni ya Vodacom imebuni huduma ya Duka linalotembea ili kuwafuata wananchi kwenye shughuli zao za kiuchumi na litatoa huduma zote zikiwemo za Mawasiliano, Data na za Kifedha.
"Leo hii tumejumuika kuzindua duka hili jipya ambalo linatembea, litamfuata mteja pale atapokua tofauti na siku za nyuma ambapo mteja alipaswa kutembea kwenda kwenye maduka yetu na lina huduma zote kwa Watanzania." amesema Bi Linda.
Ofisi ya Mkuu wa Mkoa, Mkoa wa Mwanza, 2 Regional Drive
S.L.P: 119, Mwanza.
Simu: 028-2501037
Simu ya Mkononi: 028-2501037
Barua Pepe: ras@mwanza.go.tz
