"Katika kuleta maendeleo unaweza kuchangia chochote kikauzwa " Mongella

Posted on: August 14th, 2018

MKuu wa Mkoa wa Mwanza Mhe.John Mongella amewahamasisha wakazi wa kata ya Igalula iliyopo Wilaya ya Sengerema kuchangia shughuli za maendeo katika kijiji chao mara baada ya kamati ya Ulinzi na usalama Mkoa na Wilaya kufika katika eneo la Shule ya Msingi Nkumba na kuongea na wananchi hao.

"Katika kuchangia unaweza kuchangia chochote kikauzwa na fedha ikatumika katika shughuli za maendeleo,"alisema Mongella. 

Mhe.Mongella amewaambia wakazi hao kuwa jukumu la kujiletea maendeleo ni lao wenyewe hivyo wahamasike kuchangia chochote walichonacho kwa shughuli za maendeleo.

"Kama kuchangia ni chochote basi mimi kama mkazi wa hapa natoa kuku ili itumike katika ujenzi wa vyumba hivi vitatu vya madarasa kwa ajili ya watoto wetu kusoma,"alisema Ester  Maduka.

Baada ya mkazi huyo kutoa kuku ndipo wakazi hao walipohamasika na kuanza kutoa ahadi mbalimbali na kusema kuwa walijua kuwa kuchangia ni fedha tu kumbe wanaweza kuchangia chochote.

Aidha Mhe.Mongella aliwaambia kuwa elimu ya kuchangia nimewapa sasa naomba muanze kuchangia na kupata mifuko ya Simenti 8, kuku 3,mpunga debe 10 ,michembe debe 1, tripu 2 za mchanga na fedha tasilimu Shilingi 710,000 zilizochangishwa papo hapo.