Kituo cha kukuza biashara za wajasiriamali chazinduliwa Mwanza

Posted on: January 27th, 2020

Mkuu wa Mkoa Mwanza, Mhe.John Mongella amezindua kituo cha kuendeleza ukuzaji wa biashara za wajasiriamali kupitia shirika la kuhudumia viwanda vidogo (SIDO) chini ya mradi wa SIDO TLED HUB.

Mhe.Mongella alifanya uzinduzi huo Januari 24, 2020 katika viunga vya ofisi za SIDO Nyakato jijini Mwanza na kubainisha kwamba serikali mkoani Mwanza iko tayari kutoa ardhi kwa ajili ya shughuli za wajasiliamali.

Mwenyekiti wa Chama cha Wanawake Wafanyabiashara Tanzania (TWCC), Mariam Munanka akitoa salamu zake kwenye uzinduzi huo aliaema changamoto kubwa inayowakabili wakina mama wajasiliamali ni mitaji.

 Naye Mkurugenzi wa kampuni ya Mwanza Quality Wines inayotengeneza mvinyo wa matunda (Power Banana), Leopord Lema (kulia) akitoa ufafanuzi kuhusiana na bidhaa mbalimbali zinazotengenezwa na SIDO baada ya Mkuu wa Mkoa Mwanza, Mhe.John Mongella kutembelea mabanda ya wajasiriamali mbalimbali waliohudhuria halfa hiyo.