Mongella atembelea wachezaji Meimosi Kirumba

Posted on: April 22nd, 2021

Mkuu wa Mkoa wa Mwanza, Mhe. John Mongella amezitembelea timu mbalimbali zinazoshiriki mashindano ya Mei Mosi mwaka huu ikiwa ni maandalizi ya Sherehe za Mei Mosi zinatotarajiwa kufanyika kitaifa mkoani Mwanza.

Kabla ya kuzitembelea timu hizo, Mhe. Mongella alikuwa na mazungumzo na wachezaji wa timu ya RAS Mwanza ambao walitoka kuifunga timu ya MWAUWASA magoli 13- 0.

Mhe. Mongella alisalimiana na timu ya mpira wa miguu ya Wizara ya Mambo ya Nje pamoja na Timu ya Shirika la Petrol Tanzania (TPDC) ambao walikuwa wakicheza baada ya kumalizika mchezo wa awali kati ya RS Mwanza na MWAUWASA.

Timu nyingine iliyotembelewa ni timu ya mpira wa pete sya TANESCO ambao walikuwa wakifanya mazoezi.

Mbali na wachezaji, Mkuu wa Mkoa wa pia walisalimiana na waamuzi wa mpira wa miguu pamoja na waamuzi wa mpira wa pete waliokuwa uwanjani hapo.