NI ZAMU YA KWIMBA KUKIMBIZA MWENGE WA UHURU

Posted on: July 19th, 2023

NI ZAMU YA KWIMBA KUKIMBIZA MWENGE WA UHURU

Mapema leo Julai 19, 2023 Mkuu wa Wilaya ya Kwimba Mhe. Ng'wilabuzu Ludigija amepokea kijiti cha mbio za mwenge wa Uhuru baada ya kukabidhiwa na Mhe. Paul Chacha wa Misungwi kwenye viwanja vya stendi ya mabasi Sumve.

Mhe. Ludigija amejinasibu kuwa tayari wapo imara kuukimbiza Mwenge huo kwenye miradi takribani saba ikiwemo itakayokaguliwa, kuzinduliwa, kuwekewa nawe ya msingi pamoja na ile itakayofunguliwa ambayo kwa ujumla imetawanyika kwenye umbali wa KM 102.3

Mhe. Ludigija ameongeza kuwa takribani Shilingi Bilioni 2.9 zimetumika kutekeleza miradi hiyo iliyojikita kwenye sekta za maji, elimu, barabara, mazingira na ustawi wa vijana huku akibainisha kuwa miradi yote imesimamia vema na ina ubora uliokusudiwa.

Kiongozi wa mbio za Mwenge wa Uhuru 2023 Ndugu Abdalla Shaib Kaim ameomba ushirikiano Kwimba na akasisitiza katika kukagua vema miradi wanapaswa kuwa na vifaa vinavyohusika kwenye kila mradi ili kufanikisha kwa wakati.

Aidha, Ndugu Kaim amewataka wana Kwimba kuepukana na matendo hatarishi yanayopelekea maambukizi ya Virusi vya ukimwi na akatoa rai kwao kupima afya na kupata ushauri nasaha juu ya namna bora ya kuishi kuepuka maambukizi mapya na kwa wataokutwa wameambukizwa kutumia dawa za kufubaza maambukizi.