RAIS MWINYI KUSHUHUDIA UAPISHO WA RAIS MTEULE WA DRC CONGO

Posted on: January 20th, 2024

RAIS MWINYI KUSHUHUDIA UAPISHO WA RAIS MTEULE WA DRC CONGO

Rais wa Zanzibar na Mwenyekiti wa Baraza la Mapinduzi Mhe. Dkt. Hussein Ali Mwinyi na Ujumbe wake leo Januari 20, 2024 wamewasili Mkoani Mwanza wakielekea nchini Jamhuri ya Kidemokrasia ya Congo (DRC) kwenye Sherehe za kuapishwa kwa Rais Mteule wa nchi hiyo Mhe. Felix Antoine Tshsekedi.

Rais Dkt. Mwinyi ameongoza ujumbe wa Tanzania akiwemo Rais mstaafu wa awamu ya nne wa Tanzania Dkt. Jakaya Mrisho Kikwete na Naibu Waziri wa Mambo ya Mambo Nje Mhe.Stephen Byabato wakiwa njiani kuelekea Congo wamepita uwanja ndege wa Mwanza na kulakiwa na Mkuu wa Mkoa wa Mwanza Mhe.CPA  Amos Makalla na viongozi wa Chama na Serikali.

Rais Dkt. Mwinyi anamwakilisha Rais wa Jamhuri ya Muungano wa Tanzania Mhe. Dkt. Samia Suluhu Hassan katika sherehe hizo zinazotarajiwa kufanyika leo tarehe 20 Januari 2024 jijini Kinshasa kufuatia ushindi alioupata kwenye Uchaguzi Mkuu uliofanyika Disemba 20, 2023.