Posted on: July 1st, 2024
RC MTANDA AKABIDHIWA JEZI ZA TRANSEC LAKE VICTORIA MARATHON TAYARI KWA GB MASHINDANO
Mratibu wa mbio za Transec Lake Victoria Marathon 2023 Mwanza Bi. Halima Chake mapema leo Julai 01 2024, amemetembelea ofisini kwake Mkuu wa Mkoa wa Mwanza Mhe. Said Mtanda na kumkabidhi jezi maalumu za mbio hizo zinazotarajiwa kufanyika Julai 07 2024.
Mbio hizo zinatarajiwa kuwa na umbali tofauti kuanzia km 2.5, Km5, Km 10 na Km 21.1 ambapo Bi. Halima amemuomba Mkuu huyo wa Mkoa kuhudhuria na kushiriki katika mbio hizo zenye lengo la kuhamasisha utalii wa ndani, uhifadhi wa Ziwa Victoria pamoja na kusaidia makundi yenye uhitaji ikiwemo watoto.
Naye Mkuu wa Mkoa wa Mwanza Mhe. Said Mtanda ameahidi kushirikia mbio hizo ambapo amesema atakimbia umbali wa km 05 huku pia akiahidi kuileta familia yake kushiriki katika mbio hizo.
Ikumbukwe awali mbio hizo zilipangwa kufanyika mapema Juni 30 2024, lakini kutokana na sababu mbalimbali mbio hizo zimesogezwa mbele hadi julai 7 2024.
Ofisi ya Mkuu wa Mkoa, Mkoa wa Mwanza, 2 Regional Drive
S.L.P: 119, Mwanza.
Simu: 028-2501037
Simu ya Mkononi: 028-2501037
Barua Pepe: ras@mwanza.go.tz
