RC MTANDA AKUTANA NA UONGOZI WA TAWI LA YANGA,AHIMIZA KUIUNGA MKONO PAMBA JIJI FC

Posted on: April 12th, 2024

RC MTANDA AKUTANA NA UONGOZI WA TAWI LA YANGA,AHIMIZA KUIUNGA MKONO PAMBA JIJI FC

Mkuu wa mkoa wa Mwanza  Mhe.Said Mtanda leo Aprili 12,2024 amekutana na uongozi wa tawi la Yanga uliofika Ofisini kwake kumualika katika mkutano wa viongozi wa matawi kutoka mikoa ya kanda ya ziwa utakaofanyika Mwanza Hotel siku ya kesho.

Katika mazungumzo mafupi na uongozi huo,mkuu huyo wa mkoa amewataka viongozi hao kuiunga mkono kwa hali na mali timu ya Pamba Jiji FC inayopambana kucheza ligi kuu msimu ujao.

"Nikiwa hapa Ofisini mimi ni mdau wa timu zote hapa Mwanza lakini tukikutana huko viungani tutatambuana tunashabikia timu gani, hivyo napenda kuona tukiweka nguvu ya pamoja ili Pamba Jiji itimize ndoto ya kucheza ligi kuu,"mkuu wa mkoa.

Mkuu huyo wa mkoa amewakabidhi viongozi hao shs 500,000 ili kufanikisha mkutano huo utakaoshirikisha mikoa ya Mwanza,Simiyu,Geita na Mara

Mratibu wa mkoa wa Mwanza katika mkutano huo wa matawi,Kija Malingwa amesema mkutano huo una malengo ya kujadiliana na kutoa mapendekezo namna ya kuipa nguvu timu yao ya Yanga.