RC MTANDA ASIKILIZA NA KUTATUA KERO ZA WANANCHI

Posted on: May 14th, 2024

RC MTANDA ASIKILIZA NA KUTATUA KERO ZA WANANCHI

Mkuu wa Mkoa wa Mwanza Mhe. Said Mtanda ameahidi kutatua kero za wananchi wa Mwanza kwa kutumia sheria, kanuni na taratibu ili kuepusha mgongano wa kisheria hususani kwa kero zilizopo Mahakamani.

Akizungumza na wananchi waliojitokeza leo Jumanne Mei 14, 2024 Mhe. Mtanda amesema  serikali inaweza kusikiliza na kusuluhisha kero na migogoro kwa kutumia njia badala ya kwenda mahakamani naye akajipambanua kusimamia hayo.

Aidha, amejipambanua kuhakikisha anamaliza migogoro kwa kutumia njia ya kuwasikiliza na akaahidi  watakaomuelewa vema watamaliza kero zao kwa muda mfupi kwa usaidizi wa wataalamu wake tofauti hata na ilivyo kwa kesi zinazochukua muda mwingi mahakamani.

Amesema sheria, kanuni na taratibu zitafuatwa kuhakikisha haki inapatikana kwa kila mwenye nayo na kwamba akawataka kujiepusha na kuibua kesi ambazo zilishatolewa maamuzi na wakuu wa Mkoa huo waliopita kwani hayuko tayari kupindisha maamuzi ya awali.