RC MAKALLA APOKEA UGENI KUTOKA CHUO CHA ULINZI CHA TAIFA

RC MAKALLA APOKEA UGENI KUTOKA CHUO CHA ULINZI CHA TAIFA

*Kutembea Miradi ya Kimkakati Mkoani humo*

*Asema Mwanza inaongoza kwa kukuza kiuchumi*

*Ampongeza Mhe. Rais kutekeleza Miradi ya Kimkakati*

Mkuu wa Mkoa wa Mwanza Mhe. CPA Amos Makalla leo Januari 08, 2024 amepokea Ugeni wa Ujumbe wa Kozi ya 12 ya Chuo cha Taifa cha Ulinzi Tanzania (NDC) walio kwenye ziara ya kimafunzo ya wiki moja mkoani humo.

Akizungumza na Ujumbe huo kwenye Ujumbi wa Ofisi ya Mkuu wa Mkoa, Makalla amewapongeza kwa Kazi nzuri wanayofanya na kuchagua Mwanza kuwa sehemu ya mafunzo kwani Mkoa huo una maeneo mengi ya kujifunza hususani masuala ya Usalama.

Vilevile, amebainisha kwao kuwa Mwanza ni mkoa unaokua kwa kasi kiuchumi na kwamba Miradi ya Kimkakati inayoendelea kutekelezwa pamoja na uboreshaji wa Uwanja wa Ndege Kuwa wa kimataifa itaifanya Mwanza kuwa kitovu cha Uchumi.

Mkuu wa Chuo Meja Jenerali Wilbert Augustine Ibuge amebainisha kuwa Ujumbe huo umekuja Mwanza kuona miradi ya kimkakati inayotekelezwa Nchini ambayo inaonesha nia kubwa ya kuboresha kuwa na Usalama wa Maendeleo.

Aidha, ametumia wasaa huo kuipongeza Halmashauri ya Jiji la Mwanza kwa kubuni Miradi mikubwa inayolenga kukua biashara na kupata Uhimilivu wa Mapato hususani Stendi ya Nyegezi pamoja na Soko kubwa la Kimkakati ya Mjini kati.

Vilevile, ametaja Miradi kama Reli ya Kisasa (SGR) lakini pia hata Meli ya MV Mwanza pamoja na Uwanja wa ndege unaoboreshwa ili kufikia hadhi ya kimataifa yote tutaifikia katika kuhakikisha wanafunzi wanaona utekelezaji wake huku wakilinganisha na elimu waipatayo Darasani.