Yanga Yapokelewa Mwanza

Mkuu wa mkoa wa Mwanza  Mhe. John  Mongella mapema hii leo amezungumza na vyombo vya habari katika ukumbi mkubwa wa ofisi ya mkuu mkoa Mwanza kwa lengo la kuhamasisha ujio na ziara ya timu ya wananchi (Yanga F.c ) itakayofanyika kwa muda wa siku nane (8) hapa jijini Mwanza.

Aidha Mhe.Mongella ametoa wito kwa timu kama simba, Azam zisije mwanza kwa lengo la kuweka kambi tu bali kufanya ziara za kimchezo na timu za mwanza kwani viwanja vipo vingi na vyenye kiwango kama CCM Kirumba, Nyamagana, Gwambina.

Naye mwenyekiti wa timu ya yanga mkoa wa Mwanza Salehe Akida  amesisitiza kuwa Yanga inapokuja ni fursa kwa sababu kuna watu watanunua  vitu na watakuwa wamewaunga wafanya biashara mkono na mahoteli yatapata watu hivyo kuinua uchumi.

“Sisi kama wanachama wapenzi wa soka katika mkoa wa mwanza kwa pamoja tuliona hatuna budi kutengeneza kitu katika mkoa wetu na kuiomba timu ya Yanga ije hapa kwa sababu ni maslahi na fursa kwa wananchi wote”alisema Akida.

Hata hivyo ameitaka wakazi Mwanza na maeneo ya jirani kujitokeza kwa wingi kuilaki timu hiyo itakayowasili Mkoani hapa siku ya leo majira ya saa tisa jioni uwanja wa ndege wa Mwanza.