BARABARA YA CCM-STENDI,BWAWANI NA PAMBALU KUKAMILIKA DISEMBA MWAKA HUU-TARURA

BARABARA YA CCM-STENDI,BWAWANI NA PAMBALU KUKAMILIKA DISEMBA MWAKA HUU-TARURA

Mkandarasi kampuni ya JASCO anayejenga barabara ya CCM-Stendi,Bwawani na Pambalu eneo la Sengerema mjini atakamilisha kazi hiyo hiyo iliyogharimu zaidi ya shs milioni 400 Disemba mwaka huu

Barabara hiyo yenye ureful wa KM 7 imeanza kujengewa Juni mwaka huu na kukamilika mwishoni mwa mwaka huu huku tayari malipo ya awali shs milioni 169 yakiwa yamefanyika

Akitoa taarifa fupi kwa Katibu Tawala wa Mkoa,Balandya Elikana,Meneja wa Tarura wilaya ya Sengerema Mhandisi Prosper Francis amebainisha baada ya mkandarasi kupata malipo ya awali kazi ya ukamilishaji inakwenda vizuri.

"Wakati mwingine miradi unashindwa kukamilika kwa wakati kutokana na Mkandarasi kucheleweshewa malipo,lakini mradi huu fedha zimetoka Serikali kuu na mfuko wa maendeleo ya Jimbo kazi itakamilika kama mkataba unavyoelekeza",Mhandisi

Balandya amemtaka Mkandarasi huyo kujenga barabara hiyo itakayoendana na thamani ya fedha ili kujiongezea uaminifu na kupata kazi zaidi kutoka Serikalini.

"Serikali siku zote inapenda kuwapa zabuni wakandarasi wazawa lakini baadhi yao wamekuwa wababaishaji na kijiharibia kazi",Katibu Tawala mkoa.