NITASHIRIKIANA NA TAASISI ZOTE ZA KIDINI ILI KUWALETEA MAENDELEO WANANCHI:RC MTANDA

NITASHIRIKIANA NA TAASISI ZOTE ZA KIDINI ILI KUWALETEA MAENDELEO WANANCHI:RC MTANDA

Mkuu wa mkoa wa Mwanza Mhe.Said Mtanda leo Aprili 7,2024 kwenye Kanisa kuu la kiaskofu Epifania, Parokia ya Bugando ameshiriki ibada kwa lengo la kujitambulisha na kuwaahidi kushirikiana na Taasisi zote za kidini ili kuwaletea maendeleo wananchi.

Mkuu huyo wa mkoa ambaye amehamishiwa hivi karibuni kituo cha kazi Mwanza akitokea mkoani Mara,amesema Taasisi za kidini zina miradi mingi ya kuwahudumia wananchi hivyo wasisite kushirikiana na Ofisi yake ili kutimiza malengo yao.

"Namshukuru Baba Askofu Renatus Nkwande kwa kunipa ukaribisho huu,msiingie shaka na jina langu,Serikali haina dini na nipo hapa Mwanza kumsaidia Rais Samia kutimiza ndoto yake ya kuwaletea maendeleo wananchi,"mkuu wa mkoa.

Amewakumbusha waumini kuendelea kumuombea Rais Samia afya njema na kuwa na nguvu ya kuwatumikia wananchi wake na kuzingatia mafundisho kutoka kwa makasisi wao ya kuishi kwa amani na upendo ili tuendelee kuwa na Taifa lenye utulivu na amani kwa wananchi wake.

Akitoa neno la shukurani mara baada ya mkuu wa mkoa kuzungumza,Padri Pantaleo Rutambuka amemshukuru kiongozi huyo kujumuika nao na kumuhakikishia watashirikiana naye katika shughuli mbalimbali za kuwaletea maendeleo wananchi.

"Leo tumesali Dominica ya pili ya Pasaka ambayo ni huruma ya Mungu,tumekumbushana tuishi kwa kujaliana na tuepuka ubinafsi iwe mahali pa kazi au sehemu yoyote,na mafundisho haya tukiyazingatia yatakuwa pia msaada kwenu viongozi wa Serikali mnaoongoza kundi kubwa la watu",Padri Rutambuka.