Mkemia Mkuu wa Serikali afanya Mazungumzo mafupi na RAS Mwanza

Posted on: March 4th, 2024

Mkemia Mkuu wa Serikali afanya Mazungumzo mafupi na RAS Mwanza

Katibu Tawala Mkoa wa Mwanza, Balandya Elikana leo Machi 4, 2024 amefanya mazungumzo mafupi na Mkemia Mkuu wa Serikali Dkt. Fidelice Mafumiko ambaye yupo katika ziara ya kutembelea makampuni wanayoshirikiana Katika utendaji wa kazi kanda ya ziwa.

Katika Mazungumzo hayo Balandya amesema Ofisi ya Mkuu wa Mkoa kwa kushirikiana na taasisi zilizo chini ya Ofisi ya Mkemia Mkuu wanashirikiana nazo kuhakikisha shughuli zote zinazohusisha kemikali  zinafuata taratibu zilizowekwa.

"Natambua maeneo ya Kanda ya ziwa kuna shughuli nyingi zinazohusisha kemikali hivyo Katika ziara yangu nitatembelea maeneo yote ya migodi na kwenye mialo", amesema Mkemia Mkuu.