ABIUD SANGA AZIKWA LEO KISESA

Posted on: June 24th, 2024

ABIUD SANGA AZIKWA LEO KISESA

Kufuatia kifo cha aliyekua Mkaguzi wa Ndani Mkuu katika Ofisi ya Mkuu wa Mkoa wa Mwanza Abiud Sanga mwishoni mwa wiki iliyopita leo Juni 24, 2024 amezikwa shambani kwake Kisesa Mkoani humo.

Katibu Tawala Mkoa wa Mwanza, Balandya Elikana akizungumza kwa niaba ya Mkuu wa Mkoa kwenye mazishi hayo amesema njia pekee ya kumuenzi ni kumuombea na kutenda mema aliyofanya wakati wa uhai wake.

“Kuondokewa kwa mtumishi Sanga limekuwa ni pigo kubwa sana katika ofisi ya Mkuu wa Mkoa kwasababu alikuwa ni mchapakazi na mwenye kujituma na alitambua majukumu yake kama mtumishi,”amesema Balandya.

Naye Mkuu wa Wilaya ya Nyamagana Mhe. Amina Makilagi aliongezea kwa kusema marehemu amewahi kufanya naye kazi mbalimbali ambazo alizifanya kwa umahiri na umaridadi mkubwa na hakika alikua mchapa kazi mzuri.

Nao ndugu na jamaa mbalimbali waliotoa salamu za rambirambi kwa familia ya marehemu Abiud Sanga wamezungumzia  kusikitishwa kwao na msiba huo na kumuombea mapumzuko mema alipotangulia mbele ya haki.

Bwana ametwaa bwana ametoa, jina lake lihimidiwe.