Mwanza Yaja na Mkakati wa kuzuia na kupambana na Malaria

Posted on: September 17th, 2021

Serikali imekuja na mpango mkakati wa kuzuaia na kupunguza ugonjwa wa malaria nchini,kwa kutoa elimu na hamasa ya kuzuia ugonjwa huo kupitia wataalamu wa afya.

Akizungumza katika  semina ya kuzuia malaria nchini hapa kupitia serikali na wataalamu wa Wizara ya Afya hasa za mikoani,ambayo  imehudhuriwa na  wadau mbalimbali, Katibu Tawala Mkoa  wa Mwanza  Ngusa  Dismas Samike, alisema taratibu za kuzuia ugonjwa huu zianzie shule za msingi kupitia wataalamu wa afya  .

Alisema vituo vya afya vyote nchini viwe na vifaa maalumu vya kutibia malaria hii itasaidia  kupata na kukusanya takwimu sahihi  ambazo zitasaidia nchi  kuja na njia ambazo ni sahihi za kupambana na ugonjwa huu .

Aidha amesisitiza  kuwa serikali itaendelea kufanya kampeni dhidi ya magonjwa nyemelezi  kwajili ya afya za watanzania kwani maendeleo ya kupambana  na kuzuia malaria yanachangiwa na serikali pamoja na shirika la afya duniani ( WHO) hivyo mpango mkakati huu lazima uwafikie watu wote nchini .

"Lengo hasa la mpango mkakati  huu wa ni  kufahamu wapi wamefanya  vizuri na wapi wamefanya vibaya,   namna ya kuzuia na kupambana  nao kwa maeneo maambukizi yalipozidi  ,mpango kazi huu utajikita katika  maeneo mbalimbali ikiwemo Mara, Mwanza, Kagera, Kigoma, na Simiyu ili kuhakikisha ugonjwa huo unapungua kwa asilimia 1 sambamba na kuwafahamu wawekezaji wa mradi huu wa kuzuia malaria ambao ni pamoja na  Global Fund." alieleza.

Aidha katika semina hiyo walieleza   kuonesha  asilimia 30.3 ya wagonjwa waliolazwa kutokana na ugonjwa wa malaria kwa mikoa yote hapa nchini huku   viwango vya maambukizi kuwa asilimia 50 kutoka  14.8 asilimia kwa mwaka 2015. Vilevile viwango vya maabukizi kimikoa ni  Kigoma 24 , Geita  17 , Mara 13, Kagera na  Ruvuma  8 kwa mwaka 2021.