RAS BALANDYA AZITAKA HALMASHAURI KUZIMALIZA HOJA ZA CAG KWA WAKATI

Posted on: June 25th, 2024

RAS BALANDYA AZITAKA HALMASHAURI KUZIMALIZA HOJA ZA CAG KWA WAKATI

Katibu Tawala Mkoa wa Mwanza  Balandya Elikana amezitaka Halmashauri za Wilaya ya Kwimba pamoja na Misungwi Mkoani humo kuhakikisha hoja za mdhibiti na  mkaguzi mkuu wa hesabu za serikali  CAG za  mwaka wa fedha  2022 -2023 zinajibiwa na kufungwa ikiwa ni pamoja na utekelezaji wa miradi ya maendeleo katika Wilaya hizo.

Ametoa kauli hiyo mapema leo Juni 25,2024 alipokua katika kikao cha ajenda za kikao maalumu cha baraza la madiwani cha kujadili hoja za mkaguzi na mdhibiti mkuu wa hesabu za serikali CAG kwa mwaka wa fedha 2023 /2024 huko Wilayani Kwimba na Misungwi.

"Niwaombe sana Menejimenti hizo hoja huwa zinajibiwa na kufungwa na haya  mapendekezo ya CAG huwa hayajadiliwi  huwa yatatekelezwa tu tuchukue kila hatua inayotatikana ili kutekeleza hayo mapendekezo ,Pia Waheshimiwa madiwani  kuna hoja humu kama ya kutomakmilika kwa miradi mnawajibu wa kusimamia fedha zitengwe ili miradi ikamilike na kusaidia wananchi katika Wilaya zenu’’,amesema Balandya

Aidha Mtendaji huyo wa Mkoa  amewataka watendaji kusimamia miradi ya maendeleo katika halmashauri zao ili iweze kukamilika na kuanza kutoa huduma kwa wananchi.

Awalia akiwasilisha  taarifa za Ukaguzi wa hesabu za serikali kwa za Wilaya hizo  mbili  Mdhibiti na Mkaguzi Mkuu wa hesabu za Serikali Mkoa wa Mwanza Mustafa Shomvi amesema kwa muda wa miaka mitatu mfululizo Halmashauri hizo zimepata hati safi.

‘’Kwa mwaka  2022 -2023 Halmashauri ya Wilaya ya Kwimba ilikuwa na hoja 19 kuhusiana na hoja za ukaguzi   ambapo  hoja zilizotekelezwa zilikua 12  ,hoja saba zipo katika hatua mbalimbali za utekelezaji, ’’amesema Shomvi

Kwa upande wake Mkuu wa Wilaya ya Misungwi Johari Samizi ambae pia kwa sasa anakaimu  Wilaya ya Kwimba amesema pamoja na Halmashauri hizo kupata hati safi kwa miaka mitatu akasisitiza watendaji kuendelea kufanya kazi kwa bidii.