RC MTANDA AAHIDI USHIRIKIANO NA MAKANISA NA KUHIMIZA AMANI

Posted on: April 6th, 2024

RC MTANDA AAHIDI USHIRIKIANO NA MAKANISA NA KUHIMIZA AMANI

Mkuu wa Mkoa wa Mwanza Mhe. Said Mtanda leo Aprili 6, 2024 kwenye ukumbi wa Mwanza Hotel ameshiriki kongamano maalum la familia na malezi kutoka Kanisa la Waadiventista wa sabato na kuahidi ushirikiano kwa makanisa yote na kuhimiza amani na upendo miongoni mwa watanzania.

Mkuu huyo wa mkoa akizungumza na washiriki wa kongamano hilo amewapongeza kwa hatua hiyo ambayo itachangia kujenga jamii iliyostaarabika kwa kutenda daima yaliyo mema.

"Baba Askofu Beatus Mlozi nakupongeza sana, hiki mnachokifanya mnaturahisishia sisi viongozi tunaoongoza kundi kubwa la watu katika kushirikiana kazi za ujenzi wa Taifa," amesema mkuu huyu wa mkoa.

Amebainisha siku zote familia ikiwa imara na Jamii pia itakuwa bora na hatimaye mnakuwa na Taifa lenye watu waliostaarabika.

"Niwashikuru kwa heshima hii mlionipa nawaanidi nitakuwa nanyi bega kwa bega katika shughuli za maendeleo ya Kanisa na ujenzi w Taifa kwa ujumla,tuendelee kumcha Mungu na kuepukana na aina yoyote ya migogoro,"RC Mtanda.

Askofu wa Jimbo la South Nyanza Mhe. Beatus Mlozi amesema kongamano hilo limelenga kuwapa mafundisho waumini wake hasa kutokana na kasi ya mmomonyoko wa maadili uliopo hivi sasa kwa jamii pamoja na vitendo vya ukatili wa kijinsia.